Y Gronfa Buddsoddi i Gymru’n taro carreg filltir £10m o fuddsoddiad wrth ddathlu ei phen-blwydd yn un oed

Yr wythnos hon, mae’r Gronfa Buddsoddi i Gymru (IFW) gwerth £130m wedi taro ei charreg filltir fawr gyntaf ar ôl buddsoddi a benthyca £10m i fusnesau llai yng Nghymru. Daw’r cyhoeddiad blwyddyn ar ôl lansio’r IFW ym mis Tachwedd 2023.

Ymysg y busnesau Cymreig i elwa ar y Gronfa Buddsoddi i Gymru, mae  buddsoddiad ecwiti o £650,000 yn EverTrek, cwmni teithio ‘antur caled’ o Gaerffili. Mae’r brand teithio ar lein yma sydd ar dwf yn cyfrannu at segment antur caled £1.7bn marchnad twristiaeth antur £10.7bn y DU. Gwnaed buddsoddiad ecwiti o £850,000 mewn cwmni arall yng Nghaerffili hefyd, sef yr arbenigwyr datblygu a gwasanaethau dronau, Drone Evolution.

Mae cytundebau cyllid dyled y Gronfa’n cynnwys buddsoddiad o £500,000 yn y contractwyr sgaffaldio, Palmers Scaffolding ar Lannau Dyfrdwy, cytundeb cyllid dyled o £100,000 i’r darparydd ynni adnewyddadwy, Economy Energy Group, ym Mharc Menter Abertawe, y ddau trwy FW Capital; a buddsoddiad o £100,000 yn Snowdon Timber Products ym Mangor trwy BCRS.

Cronfa Buddsoddi i Gymru’r Banc yw’r gronfa buddsoddi gyntaf ar gyfer busnesau bach yng Nghymru a gynhelir yn llwyr gan Llywodraeth y DU, ac mae’n helpu i gynyddu ac amrywio’r cyflenwad o gyllid cyfnod cynnar sydd ar gael trwy ddarparu opsiynau ar gyfer cwmnïau na fyddai’n derbyn buddsoddiad fel arall o bosibl. Bwriad y cyllid yw helpu busnesau â gweithgareddau fel ehangu, arloesi gyda chynhyrchion neu wasanaethau, cyflwyno prosesau newydd, datblygu sgiliau ac offer cyfalaf.

Penodwyd tri chwmni rheoli cronfeydd i reoli’r gronfa. BCRS Business Loans sy’n rheoli benthyciadau llai y gronfa (£25,000 i £100,000), FW Capital sy’n gyfrifol am fenthyciadau mwy (£100,000 i £2 filiwn), a Foresight sy’n rheoli’r cytundebau ecwiti (hyd at £5 miliwn).